Það er ýmislegt hægt að gera sér til skemmtunar á meðan dvalið er í Þurranesi. Margir áhugaverðir og sögufrægir staðir eru í Dalasýslu og nágrenni.

Hægt að leggja land undir fót og fara í góða gönguferð í nágrenninu eða skella sér í bíltúr. Frá Þurranesi er hægt að skoða marga staði án þess að fara alltaf sömu leið og víða hægt að njóta útsýnis.

Ferðamálasamtök Vestfjarða hafa undanfarið unnið að útgáfu á veglegum göngu- og útivistarkortum fyrir Vestfirði og Dali. Tvær sundlaugar eru í grennd við Þurranes. Byggðarsafn er að Laugum í Sælingsdal og svo er skemmtilegt að skoða Eiríksstaði í Haukadal. Það er jafnvel hægt að skella sér í siglingu á Breiðafirði.

Hægt er að komast í skotveiði, hafið samband fyrir nánari upplýsingar.